Zëvndës ministri i jashtëm rus, Sergei Ryabkov, do të zhvillojë një takim me Lynne Tracy, ambasadorja e re e shteteve të bashkuara të amerikës në Moskë, në fillim të javës së ardhshme – tha agjencia ruse e lajmeve RIA, të shtunën. Tracy ka mbërritur në moskë më herët këtë javë. Zëdhënësja e ministrisë së jashtme ruse, Maria Zakharova, tha një ditë më parë se ambasadorja e re amerikane nuk do të përmirësonte marrëdhëniet mes dy vendeve për shkak të asaj që ajo e quajti ‘luftë hibride të uashingtonit, kundër Rusisë”.