Një 30-vjeçare shqiptare, ndaj të cilës ishte në pritje një dënim, është arrestuar mëngjesin e së enjtes nga efektivët e Policisë Kufitare në Greqi. Ajo është pikasur më datë 20 gusht në zonën e Bashkisë Pogon nga punonjësit e Policisë së Pogonit. Nga hetimet paraprake të kryera nga Reparti Kufitar i Delvinakit në Greqi, rezultoi se ajo kishte hyrë ilegalisht në Greqi disa ditë më parë, përmes kufirit greko-shqiptar, akt për të cilin u arrestua dhe po mbahej me qëllim deportimin në Shqipëri. Pas marrjes së shenjave të gishtave u konstatua me të dhëna identiteti të ndryshme nga ato që kishte deklaruar gjatë arrestimit fillestar. Konkretisht rezulton se ajo quhet Vasilika Maksuti 30 vjeç dhe se ishte dënuar nga Gjykata e Apelit Penal e Kallamatës në vitin 2022 me 8 vite e 1 muaj burg dhe 3500 euro gjobë për trafik droge.