Grupi i mercenarëve rusë “Wagner” vazhdon përgatitjet për vendosjen e një pranie të përhershme në Bjellorusi, thuhet në raportin e Institutit për Studimin e Luftës. Grupet e monitorimit kanë raportyuar se deri më 17 korrik të tjera autokolona të ‘Wagner’ po lëvizin drejt kampit në fshatin Cel, në rajonin e Mogilevit në Bjellorusi. Qendra Kombëtare e Rezistencës Ukrainase raportoi se më shumë se 700 luftëtarë të Wagner-it ishin vendosur kohët e fundit në rajonin Tsel-Osypovychy dhe se autoritetet bjelloruse kishin formuar tre njësi të forcave speciale për stërvitje nën udhëheqjen e Wagner në këto zona. Disa kolumnistë të Vytsk të lidhur me Wagner pohuan gjithashtu se vendi i testimit të Wagner në Molkino, Krasnodar Krai, do të pushonte së funksionuari deri më 30 korrik dhe se mercenarët do të transferoheshin diku tjetër. Ata publikuan pamjet e mercenarëve të Prigozhinit duke ulur solemnisht flamujt e Rusisë dhe Wagnerit në Molkino. Grupi I mercenarëve rusë dështoi në një kryengritje diosa-orëshe në muajin qershor dhe në marrëveshjen me regjimin e Putin, u la si opsion zhvendosja në Bjellorusi.