Me dhjetëra xhami dhe salla lutjesh të dyshuara për lidhje me ekstremizmin islamik po bastisen në Francë. Ministri i Brendshëm Gérald Darmanin njoftoi se disa prej tyre mund të mbyllen nëse zbulohet se inkurajojnë “separatizmin”. Operacioni vjen një javë përpara se të bëhet publik ligji I ri për luftën kundër ekstremizmin. Ai është një përgjigje ndaj sulmeve tronditësë të muajit tetor, përfshirë prerjen e kokës së mësuesit, Samuel Paty, akte këto për të cilat u fajësuan islamikët. Darmanin deklaroi se do të ketë kontrolle dhe mbikëqyrje speciale për 76 xhami dhe salla lutjesh, 16 prej tyre në rajonin e Parisit. Ai urdhëroi veprim të menjëhershëm në lidhje me 18 prej tyre, dhe kontrollet e para janë kryer tashmë. Në një postim në Twitter, ministri foli për një veprim masiv dhe të paprecedente në luftën kundër separatizmit. Inspektorët shtetërorë do të shqyrtojnë dhe financimin e tyre, lidhjet e imamëve e shkollat e mundshme Kuranike për fëmijët e vegjël, thotë Reuters. Laicizmi shtetëror konsiderohet I një rëndësie kyce për identitetin kombëtar të Francës, ku konsiderohet se hapësirat publike si klasa, vendet e punës apo ministritë, duhet të jenë të cliruara nga feja.