Në kërkim të azilit në vendet europiane, shqiptarët po braktisin gjithnjë e më shumë vendin e tyre. Shifrat e raportuara nga Eurostat, tregojnë se në harkun kohor të vetëm shtatë muajve të parë të vitit, plot 5800 kërkesa u depozituan në autoritetet europiane për azil nga shtetas shqiptarë. Megjithatë, kjo shifër parashikohet të jetë më e lartë, pasi Eurostat nuk raporton për azilkërkuesit në Britaninë e Madhe, që nga dhjetori i vitit 2020, moment kur Anglia doli nga unioni europian. Por të dhënat zyrtare të Autoriteteve Britanike tregojnë se rreth 4729 shqiptarë kanë hyrë në mënyrë të paligjshme në vendin e tyre dhe janë regjistruar si azilkërkues gjatë periudhës janar-qershor 2022, një shifër që është sa 80% e të gjithë kërkesave për azil në 27 shtetet e tjera të Bashkimit Europian Kjo e con shifren ne total te aplikimeve në mbi 10 mijë.