Një aksident me pasojë vdekjen është shënuar mëngjesin e kësaj të hëne në autostradën Durrës-Tiranë, pranë zonës së Sukthit. Si pasojë e aksidentit të rëndë ka humbur jetën një shtetas me iniciale S. K., 20 vjeç, i cili ka humbur kontrollin e automjetit që drejtonte, duke përfunduar jashtë rruge. I riu ka ndërruar jetë menjëherë në vendngjarje, pasi nuk ka arritur t’u mbijetojë plagëve të marra, ndërsa grupi hetimor po zhvillon proceduratt dhe veprimet e nevojshmne për të zbardhur rrethanat dhe shkaqet e ngjarjes tragjike. Ndërkohë një tjetër ngjarje tragjike ka ndodhur në qytetin e Durrësit. Një djalë adoleshent i moshës 17 vjeç ka humbur jetën pasi ka rënë nga lartësia. Nga hetimet e para rezulton se adoleshenti është nxënës i gjimnazit “Naim Frashëri” në Durrës dhe dyshohet të jetë vetëhedhur nga taraca e pallatit 10-katësh.