Dy nga togerët kryesorë të ushtrisë së Putinit i kanë 'shpallur hapur luftë' ministrit të Mbrojtjes dhe besnik të Putinit Sergei Shoigu pas një sërë humbjesh për Kremlinin në Ukrainë . Numri një çeçen Ramzan Kadyrov dhe themeluesi i 'ushtrisë private' Wagner ose milicisë, Yevgeny Prigozhin, janë kthyer kundër ministrit pas humbjeve të rënda gjatë dy javëve të fundit, raportojnë mediet ndërkombëtare. Kjo vjen pasi Rusia aneksoi ilegalisht katër rajone të Ukrainës, duke përfshirë Donetsk dhe Luhansk, në një njoftim në të cilin ai mblodhi të gjithë liderët më të lartë të vendit dhe i tha botës se rajonet do të "mbesin përgjithmonë me Rusinë". Por vetëm 24 orë më vonë, kishte prova të qarta që Ukraina po kryente fitore të mëdha në rajone, duke rimarrë territore që Putin sapo i kishte pretenduar si pjesë e Rusisë. Fitoret e kësaj jave në jug dhe lindje të Ukrainës vazhduan çka ka nxitur dy liderët e ushtrisë t'i shpallnin luftë" hapur ministrit të Mbrojtjes, për rezultatet e dobëta ushtarake të Rusisë. Kremlini po i drejtohet masave gjithnjë e më të dëshpëruara për të shpëtuar fytyrën dhe të përpiqet të ndalojë avancimin ukrainas, duke përfshirë rekrutimin e të burgosurve direkt nga burgu dhe, tani, luftime të hapura të brendshme.