Janë identifikuar dy personat e klasifikuar si tepër të rrezikshëm që prej mëngjesit të së hënës janë rrethuar nga policia në një banesë të braktisur në fshatin Orosh të Bashkisë së Fushë Arrëzit. Burime nga policia thonë se ata janë 24-vjeccari Juljan Cumrraku dhe shtetasi Arben Uka. Dy personat dyshohet se janë të armatosur rëndë, teksa kanë kërkuar largimin e policisë, duke kërcënuar se do të qëllojnë ndaj tyre nëse afrohen. Aksioni nisi fillimisht nga policia e Pukës, por më vonë u kërkua ndërhyrja e policisë së Shkodrës, antiterrorit të Shkodrës dhe forcave speciale RENEA. Këto të fundit kanë mbërritur në fshatin Orosh pak pas mesdite. Të dy personat janë të skeduar nga antiterrori shqiptar. Juljan Cumrraku është i njohur pasi më herët ka luftuar për grupet ekstremiste në Siri, ndërsa po i skeduar nga antiterrori është edhe shtetasi Arben Uka.