Një tajfun i fuqishëm ka arritur në tokë në Kinë, i dyti që godet vendin brenda një jave, me gati dy milionë njerëz të evakuuar nga zonat në rrugën e stuhisë. Tajfuni Bavi, i cili shtrihet në 1,000 km në pikën e tij më të gjerë, afërsisht sa gjerësia e Francës, së pari preku tokën në qytetin bregdetar Taizhou të shtunën në mbrëmje. Pasi goditi një zinxhir ishujsh të largët japonezë, ai solli reshje të dendura shiu në Tajvan ndërsa kaloi përtej majës së tij veriore. Rrëshqitjet e tokës të shkaktuara më parë nga stuhia vranë të paktën 17 persona në Filipine. Edhe pse është dobësuar në një stuhi të fortë tropikale, ai ende paraqet rrezik të madh. Stuhia pritet të zvogëlohet gradualisht në intensitet ndërsa lëviz më thellë brenda vendit. Të dielën në mëngjes, qendra e tajfunit arriti në qytetin Hangzhou në provincën Zhejiang, raportuan mediat shtetërore kineze. Më shumë se 1.7 milion njerëz u evakuuan në provincë dhe mijëra të tjerë në rajonet fqinje, thanë mediat shtetërore. Shkollat, puna dhe aktivitetet në natyrë janë pezulluar ndërsa 400 fluturime dhe dhjetëra shërbime trenash janë anuluar. Qyteti i Ëenzhou, shtëpi e rreth 10 milionë banorëve, është afër rrugës së stuhisë, me autoritetet që po evakuojnë qindra mijëra banorë. Bavi filloi si një super tajfun, duke goditur Guamin të hënën e kaluar me shpejtësi ere prej 290 km/orë. Ndërsa po kalonte nëpër Paqësor, duke u dobësuar, goditi ishujt Sakishima, pjesë e zinxhirit të ishujve Ryukyu të Japonisë, mes ishujve kryesorë të vendit dhe Tajvanit.