Vijon të jetë e tensionuar situate në Izrael, teksa mbrëmjen e të premtes mediat vendase raportuan për dy sulme terroriste me pasojë të paktën një të vdekur dhe dhjetëra të plagosur, disa prej të cilëve në gjendje të rëndë. Kështu një makinë është futur në shëtitoren buzë detit në Tel Avivit dhe ka përplasur njerëzit që ishin duke ecur aty, teksa i vdekur ka mbetur një turist italian 30-vjeçar. Gjithashtu nga përplasja e makinës, janë raportuar disa të plagosur, 5 prej të cilëve raportohet se janë në gjendje shumë të rëndë dhe po trajtohen në spitalet e qytetit. Makina që përplasi turmën e njerëzve në shëtitore, u përmbys dhe shoferi i saj u arrestua nga policia izraelite, e cila tha se bëhej fjalë për një shtetas arab. Vetëm pak minuta më vonë, në të njëjtën zonë u raportua për të shtëna me armë, si pasojë e të cilave mbetën të plagosur dy persona, të dy shtetas izraelitë. Edhe në këtë rast, policia izraelite ndërhyri me shpejtësi, duke u përgjigjur me zjarr dhe lënë të vrarë personin që qëlloi me armë. Gjatë paradites, Izraeli njoftoi se ka goditur Libanin dhe Rripin e Gazës, me qëllim dëmtimin e disa bazave palestineze, teksa edhe sulmet terroriste duket se janë pikërisht pasojë e këtyre bombardimeve. Pamjet: AFP