Tre persona janë arrestuar, mes të cilëve një efektiv policie në kuadër të operacionit të koduar ‘Basti i Fundit’. Të arrestuar janë shtetasit Sabah dhe Fatmir Stafuga dhe efektivi i policisë, Lutfi Dervishi, me detyrë ndihmës specialist i policimit në komunitet. Efektivi i policisë akuzohet për shpërdorim detyre dhe organizim i lojërave të fatit në kundërshtim me ligjin. Përvecc kësaj, efektivi iu gjetën edhe 119 fishekë 9 milimetërsh në banesë gjatë kontrolleve të ushtruara nga AMP në banesën e tij. Arrestimi i shtetasve Sabah Stafuga dhe Fatmir Stafuga u krye për organizim të paligjshëm të basteve dhe shitje narkotikësh. Gjatë kontrollit të ushtruar në lokalin e tyre në zonën e njohur si ‘tregu i fshatarëve’ në Fushë Krujë, policia gjeti 4 makineta për ushtrimin e lojërave të fatit, 2 servera dhe 11 qese me lëndë narkotike, e dyshuar kokainë.