Një anije kozmike ruse Soyuz MS-28 u nis për në Stacionin Ndërkombëtar Hapësinor të enjten me dy kozmonautë rusë dhe një astronaut të NASA-s në bord. Raketa Soyuz u ngrit nga Kozmodromi Baikonur në Kazakistan në orën 12:28 minuta sipas orës së Moskës. Ekuipazhi përfshinte komandantin rus Sergei Kud-Sverchkov, i cili bën fluturimin e tij të dytë në hapësirë, kozmonautin tjetër rus Sergei Mikayev, dhe astronautin e NASA-s Christopher Ëilliams, të dy këta të fundit në udhëtimin e tyre të parë në hapësirë. Ëilliams është një fizikant dhe Mikaev, një pilot ushtarak. Në Stacionin Ndërkombëtar Hapësinor, treshja do t'u bashkohet astronautëve të NASA-s Mike Fincke, Zena Cardman dhe Jonny Kim, astronautes së Agjencisë Japoneze të Eksplorimit Hapësinor Kimiya Yui dhe kozmonautëve rusë Sergei Ryzhikov, Alexei Zubritsky dhe Oleg Platonov. Ëilliams do të kryejë kërkime shkencore dhe demonstrime teknologjike në stacionin orbital që synon avancimin e eksplorimit të hapësirës nga njeriu dhe përfitimin e jetës në Tokë, tha NASA. Anija Soyuz ishte planifikuar të orbitonte Tokën dy herë përpara se të kryente një ankorim automatik në modulin Rassvet të stacionit hapësinor ndërkombëtar më vonë të enjten. Sapo të ankorohet, ekuipazhi do të hyjë në stacion ku do të kalojnë tetë muajt e ardhshëm. Kthimi i tyre në Tokë është planifikuar të kryhet në fund të korrikut 2026.