Dy persona janë arrestuar dhe dy të tjerë janë proceduar në gjendje të lirë nga policia e Lezhës, të dyshuar për veprën penale prodhimi dhe shitja e nakotikëve. Dy shtetasit e arrestuar janë ndaluar nga polcia, ndërkohë që qarkullonin me automjet, në qytetin e Lezhës. Gjatë kontrollit të ushtruar në automjet, janë gjetur dhe sekuestruar doza të lëndës së dyshuar narkotike kanabis. Gjatë operacionit u sekuestruan në banesën e njërit prej të arrestuarve qindra doza kanabisi gati për shitje, një armë gjahu, municion luftarak, dy automjete, gjashtë celularë dhe shumë parash në lekë dhe euro. Operacioni policor i koduar “Start-Smart”, u realizua nga Sektori për Hetimin e Narkotikëve, në bashkëpunim me Drejtorinë e Forcës Operacionale në Departamentin e Policisë Kriminale, në drejtimin e Prokurorisë së Lezhës.