Nisja e sulmit rus mbi Ukrainë, ndonëse ishte paralajmëruar shumë, erdhi si një shok për të gjithë ata që shpresonin se diplomacia kishte ende peshë. Por përvec brutalitetit dhe agresivitetit rus, sulmi mbart edhe një tjetër simbolikë. Ai nisi në kohën kur dy ministra të jashtëm të vendeve anëtare të NATO-s, ndodheshin ende në Kiev. Vizita e tyre erdhi në një moment kur Kievi kishte kërkuar ndihmë nga partnerët perëndimorë i bindur tashmë se kërcënimi i luftës ishte shumë real. Mediat e huaja raportojnë se Ministrat e Jashtëm të Estonisë dhe Letonisë ishin të dy në kryeqytetin ukrainas kur Putin dha urdhrin dhe forcat ruse nisën sulmet me raketa mbi qytetet ukrainase – duke përfshirë Kievin, herët në mëngjes të enjten. Ministri i Jashtëm i Lituanisë gjithashtu ishte planifiluar të mbërrinte në Kiev të enjten në mëngjes, por fluturimi u anulua në sekondat e fundit, tha Ministria e Jashtme e vendit për Neësëeek. Një burim në një nga delegacionet baltike tha për Neësëeek nga Kievi se ata nuk kishin mundur ende të largoheshin nga kryeqyteti që nga mëngjesi i së enjtes, por njëri prej tyre pritet të evakuohet së shpejti