Ministri i Brendshëm, Besfort Lamallari dhe ministri i Bujqësisë, Andis Salla vizituan pikën e inspektimit kufitar në Durrës, nyja kryesore ku kalon mbi 40% e produkteve që hyjnë në Shqipëri dhe një pikë kyçe edhe për tranzitin rajonal. “Po forcojmë kontrollin në kufi për të garantuar që çdo produkt që hyn në tregun shqiptar të jetë i sigurt, i kontrolluar dhe në përputhje me standardet, përmes një koordinimi më të ngushtë mes AKU-së, Policisë së Shtetit dhe doganave. Në proces është modernizimi i një rrjeti prej 5 pikash të inspektimit kufitar, në Durrës, Vlorë, Kapshticë, Kakavijë dhe Qafë Thanë, për të rritur kapacitetet e analizës, kontrollit dhe monitorimit, si në import ashtu edhe në eksport, duke garantuar që asnjë produkt të mos hyjë në treg pa kaluar filtrat e sigurisë ushqimore”, thanë ministrat.