Ndërsa vazhdojnë spekulimet lidhur me shpërthimet e mëdha në bazën ajrore ruse në Krime, natën mes 9 dhe 10 gushtit raportimet tregojnë se trupat ruse janë përqendruar në rajonin jugor dhe ukrainasit kanë raportuar për përparime të vogla rreth Harkivit, në verilindje. Sipas vlerësimeve ushtarake ukrainase dhe atyre perëndimore frontet e luftës po bëhen gjithnjë e më të palëkundura, ndërsa konflikti vazhdon. Si Rusia, ashtu edhe Ukraina gjatë kësaj periudhe kanë bërë përparime të kufizuara.