Policia po kërkon për shoferin e një furgoni në austri që u gjet me rreth 30 persona të ngjeshur në një hapësirë të vogël, dy prej të cilëve të pajetë. Emigrantët u gjetën të vdekur në furgonin që u ndalua në një pikë kalimi kufitar me hungarinë. Ushtria kontrolloi mjetin për të cilin pati dyshime dhe zbuloi 26 persona brenda tyre si edhe dy të pajetë. Të gjithë emigrantët ishin nga siria sipas të dhënave paraprake. Shoferi i furgonit ishte larguar me shpejtësi dhe aktualisht është në kërkim. Austria ka parë së fundmi një fluks në rritje emigrantësh në kufijtë e saj lindor dhe jugor, dhe ka shtuar kontrollet që nga korriku. Ndërkohë që nga fillimi i vitit, 250 trafikantë emigrantësh janë arrestuar. Lindja e vendit ka qenë skenë e një drame të ngjashme edhe pak vite më parë. më 27 gusht të 2015-ës, 71 emigrantë të paligjshëm nga siria, iraku dhe afganistani, mes të cilëve tre fëmijë dhe një foshnje, humbën jetën të mbytur në një kamion ku ata ishin fshehur nga trafikantët. Ata u zbuluan në austri por kishin vdekur në anën tjetër të kufirit. Rreth katër vite më vonë, gjykatat hungareze dënuan trafikantët me burg të përjetshëm.