Forcat ajrore ruse ngritën në fluturim dy avionë luftarakë për të detyruar dy dronë që të ndalonin misionin e tyre të zbulimit afër gadishullit të Krimesë – tha ministria ruse e mbrojtjes. “Më 22 gusht, fluturimi i dy mjeteve të telekomanduara në distancë, një MQ-9 Reaper dhe një TB2 Bayraktar, që po kryenin misione zbulimi ajrore në zonën e gadishullit të Krimesë, u regjistrua në detin e zi, nga mjetet e kontrollit të hapësirës ajrore të forcave aerospaciale ruse”, tha ministria. Sipas deklaratës, Rusia ngriti dy avionë për të detyruar dronët të ndryshonin drejtimin e fluturimit dhe të largoheshin nga zona e zbulimit ajror. Në mars të këtij viti, një avion luftarak rus ngriti në qiell tensionet mes perëndimit dhe moskës pasi ngacmoi dhe më pas u përplas me një dron amerikan mbi detin e zi. Zyrtarët amerikane folën për një sjellje të rrezikshme dhe jo profesionale të rusëve, ndërsa presidenti rus, vladimir Putin, dekoroi pilotin që kishte kryer aktin e cmendur.