Dy avionë u përplasën në fluturim në australi, njëri prej të cilëve ishte avion ushtarak. Raportohet se dy persona ishin në bord të avionit civil, kur ai u përplas në gjirin Port Filip të Melburnit. Skuadrat e shpëtimit mbërritën në vendngjarje dhe një operacion i madh kërkimi nisi. Fillimisht janë gjetur disa mbetje të avionit por nuk ka asnjë gjurmë të pilotit dhe një pasagjeri. Autoriteti australian i sigurisë detare tha se në aksident ishin përfshirë dy avionë Viper S-211. Skuadrat e emergjencave kanë lokalizuar disa mbetje në det ndërkohë që vazhdon kërkimi i dy personave të zhdukur. Viper S-211 Marchetti, janë ish avionë ushtarakë që pilotoheshin nga civilë. Është mësuar se ata po kryenin një fluturim në formacion kur u përplasën. Njëri prej avionëve kishte humbur kontrollin duke u përplasur në ujë, nërsa tjetri kishte mundur të kthehej në aeroportin Essendon. Duke ngritur alarmin, piloti i avionit që mbeti në ajër pas aksidentit, kërkoi ndihmë në radio. Byroja australiane e sigurisë në transport tha se do të niste një hetim për aksidentin ndërkohë që i ka kërkuar të gjithë personave që mund të kenë qenë dëshmitarë apo të kenë foto të aksidentit, të kontaktojnë për të dhënë informacione.