Një person ka humbur jetën dhe pesë të tjerë janë plagosur në dy aksidente të ndodhura në vend gjatë orëve të fundit. Aksidenti më i rëndë u regjistrua në aksin Thumanë–Laç, ku automjeti që drejtohej nga një 20-vjeçar u përplas me një tjetër mjet. Si pasojë e përplasjes, humbi jetën drejtuesi i automjetit tjetër, 56 vjeç, ndërsa tre pasagjerë që ndodheshin me të, mbetën të plagosur dhe u transportuan drejt Spitalit të Traumës në Tiranë për ndihmë më të specializuar mjekësore.