Durrësit i është shtuar një tjetër hapësirë moderne për zhvillimin e futbollit. Pranë stadiumit “Niko Dovana” u përurua fusha e re sportive, një investim i realizuar në bashkëpunim mes Federatës Shqiptare të Futbollit dhe klubit Teuta. Në ceremoninë e përurimit mori pjesë edhe presidenti i Federatës Shqiptare të Futbollit Armand Duka Armand Duka: Është vërtet një kënaqësi shumë e veçantë për mua që jam këtu mes futbollisteve dhe futbollistëve të akademisë Teuta, mes trajnerëve, drejtuesve të klubit Teuta, prindërit që ndjekin futbollin dhe sidomos në këtë fushë të re të shtuar për akademinë. Teuta është një klub i rëndësishëm, është një klub me histori, një klub me shumë kontribute për futbollin shqiptar, i cili i ka dhënë edhe futbollistë ekipit Kombëtar, së fundmi edhe futbolliste ekipit Kombëtar dhe kjo është vërtetë një kënaqësi akoma më e madhe që numri i vajzave në akademi është shtuar dhe ky është një nga prioritetet tona. Është kënaqësi gjithashtu që edhe vajzat profesioniste konkurrojnë me dinjitet në kategorinë superiore’.