Top News – Durrësi do të kthehet në qytet lider/ LSI-papunësia dhe varfëria do të mbeten në histori

Kryetarja e LSI-së, Monika Kryemadhi ka garantuar se Zonat e Lira Ekonomike Durrësi 1 dhe 2, si projekte strategjike zhvillimi ekonomik, do e kthejnë Durrësin në një qytet lider në rajon për tërheqjen e investimeve të huaja direkte. Në një postim në Facebook, Kryemadhi thotë se problemet me papunësinë dhe varfërinë që sot përballen qytetarët e Durrësit dhe i gjithë vendi do t’i mbeten historisë. “LSI dhe unë jemi të angazhuar për një Shqipëri që punon, për një ekonomi që i shërben familjeve dhe ndalimit të shpopullimit të brezit të ri. Na ndajnë pak ditë nga data e ndryshimit dhe ne do ta bëjmë Shqipërinë, shtëpinë tuaj”, shkruan Monika Kryemadhi, mengjesin e se henes, duke kujtuar qytetaret se na ndajnë pak ditë nga data e ndryshimit dhe LSI do ta bëjmë Shqipërinë, shtëpinë e tyre.