Durim Bami është transferuar këtë të mërkurë nga burgu I Fushë Krujës drejt atij të sigurisë së Lartë në Peqin. Transferimi I tij u bë nga forcat operacionale të burgjeve, ndërsa mësohet se lëvizja u bë për arsye sigurie. Kjo pas informacioneve konfidenciale se i paraburgosuri mund të kishte akses në përdorimin e telefonave celularë por dhe sendeve të tjera brenda qelive. Për këtë arsye, me urdhër të drejtuesve të burgjeve, është vendosur transferimi I Bamit në një institucion me masa më të forta sigurie, ku kontrolli dhe mbikëqyrja janë më të rrepta. Po ashtu mësohet se krahas Durim Bamit është transferuar drejt Peqinit dhe Lulzim Berisha, që ka lënë burgun e Durrësit. Gjatë javëve të fundit, strukturat operacionale të Drejtorisë së Përgjithshme të Burgjeve kanë zhvilluar një sërë kontrollesh në të gjithë sistemin penitenciar në vend.