Kreu i PBDNJ-së, Vangjel Dule ka ankimuar në KAS vendimin e Komisionerit Shtetëror të Zgjedhjeve Ilirian Celiubashi për mandatin e Fredi Belerit. Celibashi vendosi ta shpall të pavlefshëm mandatin e tij si kryabashkiak të Hiamarës, ky vendim i Dules erdhi një ditë para mbajtjes së zgjedhjeve në Himarë, ku Vagjel Tavo nga radhët e PS dhe Petro Gjikura nga PD do të garojnë mes tyre prë vendin e kryebashkiakut të ri. Në padinë e depozituar në Komisionin e Ankimimeve dhe Sanksioneve Dule kërkon anulimin e vendimit të datës 5 korrik 2024 të Celibashit, duke e cilësuar si një akt të paligjshëm, pasi sipas tij, ka vepruar në tejkalim të kompetencave që i ka njohur ligji, ai argumenton se kryekomisioneri ka shkelur dispozitat ligjore në lidhje me procedurën administrative. Kjo pasi ka mungesë të elementëve të detyrueshëm të aktit administrativ, si pjesa arsyetuese e gjithë urdhërimeve të tij. “Rastet e përfundimit të parakohshëm të mandatit janë taksative, dhe kanë të bëjnë me rrethana të tilla objektive si pazotësia e kryetarit të bashkisë për të ushtruar detyrën, për shkak të vdekjes, humbjes së zotësisë për të vepruar, apo rrethana subjektive, refuzimi i kryetarit të zgjedhur të kryejë betimin, mosbanimi në të njëjtën bashki ku është zgjedhur kryetar, kandidon për deputet, jep dorëheqjen, apo shkarkohet nga Këshilli i Ministrave”, argumenton Dule në ankimimin e depozituar. Celibashi mori vendimin për ta shpallur të pavlefshëm mandatin e Fredi Belerit pas dënimit me 2 vite burg të këtij të fundit me vendim të formës së prerë nga Gjykata e Apelit, për krime zgjedhor. Ai argumentoi në mbledhjen e KQZ-së se në kushtet ku ndodhej Beleri, ligji i dekriminalizimit e ndalon që të kandidojë për postin e kryebashkiakut dhe jo më për ta ushtruar funksionin.