Një paketë e re armësh amerikane do të ketë ndikim në fushën e betejës në Ukrainë, tha të martën Sekretari i Shtetit Antony Blinken, duke vizituar Kievin në një kohë kur forcat ukrainase janë përballur me pengesa në front pas një vonese të gjatë të ndihmave të SHBA-së. Uashingtoni më në fund miratoi një projekt-ligj në fund të prillit për të ofruar ndihmë ushtarake për Ukrainën, të mbajtur për muaj të tërë nga kundërshtimi i disa republikanëve në Kongresin e SHBA-së, ndërsa forcat ruse përfituan nga fuqia e tyre superiore e zjarrit për të nisur një ofensivë. "...Ndihma tani është në rrugë e sipër, një pjesë e saj tashmë ka mbërritur dhe një pjesë e saj do të arrijë," tha Blinken, gjatë takimit me presidentin ukrainas Volodymyr Zelenski. "Dhe kjo do të bëjë ndryshimin në fushën e betejës."