Më herët këtë vit, Dubai festonte një rekord prej 19.59 milionë turistësh të huaj në vend, gjatë 2025-ës. Pak muaj më vonë, numri i vizitorve ra ndjeshëm si rezultat i luftës së SHBA-së dhe Izraelit kundër iranit, me vetëm 10 për qind dhoma të prenotuara në hotele në muajt pasi emiratet u vunë në shënjestër të sulmeve me dronë dhe raketa. Tani zyrtarët po gërmojnë thellë, në xhepat e tyre, për të ndryshuar gjërat për destinacionin që më parë konsiderohej një strehë e sigurt në Lindjen e Mesme. Një program i ri u ofron banorëve dhe qytetarëve të Emirateve të Bashkuara Arabe paketa shpërblimi me vlerë deri në rreth 800 dollarë në këmbim të joshjes së të afërmve ose miqve për të ardhur dhe për të vizituar Dubain. E lançuar më herët këtë muaj, “Një Ftesë në Dubai” u lejon atyre mbi 18 vjeç me një kartë identiteti të vlefshme të Emirateve të rekomandojnë deri në tre mysafirë për qëndrime që fillojnë nga tani deri më 31 tetor, me përfitime që përfshijnë qëndrime në hotel dhe oferta për ngrënie. Vizitorët e nominuar duhet të jenë banorë jo të Emirateve të Bashkuara Arabe me një vizë turistike të vlefshme që mbërrijnë “nga ajri, deti ose përmes rrugëve tokësore”.