Janë në rritje rastet e konflikteve familjare mes prindërve dhe fëmijëve të tyre, për mundësinë e vaksinimit. Vetëm në rajonin e Toskanës në Itali, javët e fundit, janë dy të mitur që kanë cuar prindërit në gjykatë sepse janë kundër dëshirës së tyre për t'u imunizuar kundër Covid. Bëhet fjalë për një 17-vjeçar nga Arezzo dhe një tjetër nga Firence. Këto janë episode të ngjashme, të raportuara nga Gianni Baldini, president i Shoqatës së Matrimonialistëve të rajonit dhe raportuar nga gazeta la Nazione. "Me shtrirjen e së drejtës për t’u vaksinuar tek moshat e reja, po shtohen mosmarrëveshjet midis prindërve dhe fëmijëve rreth vaksinimit,” shpjegon avokati. “Po ndodh që fëmijët e mitur duan të vaksinojhen dhe prindërit nuk pajtohen. Ka situata në të cilat prindërit, qoftë të martuar apo të divorcuar, kanë një mendim konfliktual për vaksinimin," shton ai. Në rastet e raportuara, në fakt, fëmijët nuk e kishin nënshkrimin nga prindërit, të dy pjesë e lëvizjes “No Vax”. Në një rast është një çift në rrugën e divorcit, në tjetrin një çift i pamartuar. "Si rregull, zgjedhja për të vaksinuar një të mitur duhet të ketë pëlqimin e të dy prindërve dhe kjo vlen për familjet në të cilat prindërit janë të martuar, bashkëjetues ose janë ndarë ligjërisht." shpjegon Baldini.