Dua Lipa u ka dërguar një kamiçinë “jetë-shpëtuese” mjekëve të Ukrainës në vijën e parë të frontit të luftës kundër Rusisë. Këngëtarja me origjinë shqiptare, 30 vjeç, mblodhi para në një aktivitet për Driving Ukraine, një organizatë bamirëse që dërgon automjete evakuimi në vendin e shkatërruar nga lufta. Automjeti u dorëzua tek një batalion mjekësor nga një autokolonë humanitare, ku përfshihej edhe nëna e këngëtares së lindur në Londër. Batalioni i Parë Mjekësor i Veçantë i Ukrainës u shpreh shumë mirënjohës për dhuratën, e cila tha se do të përdoret në “misione shpëtimi jetësh”. Për të falënderuar yllin e muzikës pop, mjekët luftarakë u bashkuan për një videoklip prekës. Në një klip të postuar në Instagram, një mjeke e veshur me uniformë luftarake mund të shihet e shtrirë pas një kamioni me kufje në vesh.