Top News – Dua Lipa dhe Veliaj, konferencë të përbashkët/ Turi “Future Nostalgia” mbyllet në Tiranë

Pak para nisjes së koncertit në Sheshin Skënderbej, në kuadër të 110 vjetorit të Pavarësisë, kryebashkiaku i Tiranës Erion Veliaj priti në një takim këngëtarën Dua Lipa, e cila mbyll turin e saj botëror “Future Nostalgia”, në Tiranë. Veliaj e cilësoi si finale të madhe, koncertin që do mbahet në shesh, ndërsa tha se Tirana ka kaluar kaq shumë aktivitete dhe energji pozitive, këtë vit. “Nuk mendoj se kishim një moment më të bukur dhe më të mirë, për ta mbyllur këtë vit kur Tirana është Kryeqyteti Europian i Rinisë, kur kemi përvjetorin e Pavarësisë, me shtetasen më të re shqiptare, Dua Lipën. Dua ka pasur një tur të jashtëzakonshëm,“Future Nostalgia”, i cili mbyllet në Tiranë. Ky qytet ka kaluar kaq shumë aktivitete dhe energji pozitive, por kjo është grand finale edhe për ne”.