Një dron ushtarak zbulimi që u rrëzua në poloninë jugperëndimore dy ditë më parë, ishte përdorur nga ushtarët amerikanë për një fluturim trajnimi – tha ministria polake e mbrojtjes të premten. Mediat vendase raportuan më herët se një dron ishte gjetur në zonën pyjore afër fshatit Trzebien në Poloninë jugore, pasi një kalimtar kishte njoftuar shërbimet e emergjencave duke u thënë se kishte parë një objekt të rrëzohej në zonë. “Informacioni i siguruar tregon se gjatë një fluturimi trajnues të ushtarëve amerikanë, kontakti me dronin humbi dhe më pas ai ra në një zonë pyjore”, tha ministria e mbrojtjes. “Askush nuk u lëndua dhe nuk ka dëme si rezultat i incidentit. Droni u mor nga amerikanët, të cilët janë edhe pronarët e tij”, sqarohej në deklaratë. Polonia, vend anëtar i NATO-s, është në alarm për shkeljet e hapësirës së saj ajrore ndërsa lufta vazhdon në ukrainën fqinje, e pas incidenteve të regjistruar në nëntor dhe dhjetor të vitit të kaluar, kur raketat ranë në territorin e saj.