Forcat ruse shënjestruan ekipet e emergjencës ukrainase, duke lënë të plagosur dy punonjës. Sulmi ndodhi gjatë orëve të para të mëngjesit në rajonin verior të Çernihivit, thanë zyrtarët ukrainas të dielën. Ekipi i emergjencave kishte shkuar në zonë pas një shpërthimi të ndodhur më herët. Por kur mbërritën ata u përballën me një tjetër sulm. Gjatë natës, Rusia lëshoi gati gjashtëdhjetë dronë mbi 16 zona të ndryshme në të gjithë Ukrainën. Sulm ky më i vogli nga javët e fundit ku Moska lëshonte qindra predha për orë të tëra. Në fjalimin e tij gjatë natës, presidenti i Ukrainës, Volodymyr Zelensky, u bëri thirrje Shteteve të Bashkuara të vendosin masa “të fuqishme” kundër Rusisë, pasi tensionet mes anëtarëve lindorë të NATO-s dhe Kremlinit po rriten. Uashingtoni dhe aleatët evropianë kanë vendosur tashmë masa financiare kundër Moskës pas nisjes së pushtimit të plotë në shkurt të vitit 2022, me qëllim për t’ia dobësuar ekonominë, por Kievi dhe mbështetësit e tij po kërkojnë veprime më të forta.