Forcat amerikane mund të kenë ngatërruar një dron të armikut me dron amerikan dhe e kanë lënë të kalojë në bazën në Jemen, ku u vranë tre ushtarë amerikanë dhe u plagosën dhjetëra të tjerë, thanë zyrtarët. Detajet e sulmit të së dielës, kanë nisur të zbulohen ndërsa presidenti amerikan, Joe Biden, po përballet me një presion në rritje për të reaguar fuqishëm, por edhe pa shkaktuar përshkallëzim të mëtejshëm të konfliktit në Gaza. Ndërsa droni i armikut po fluturonte në lartësi të ulët, një dron amerikan ishte duke u kthyer në një instalacion të vogël ushtarak, të njohur si Kulla 22, thuhet në raportin paraprak, sipas dy zyrtarëve të cilët folën në kushte anonimiteti, pasi nuk ishin të autorizuar të komentonin për këtë çështje, raporton Associated Press. Si rezultat, nuk pati përpjekje për të rrëzuar dronin që goditi postin ushtarak. Një prej kapanoneve ku po flinin ushtarët u godit në sulm ndëra kapanonet përreth pësuan dëme nga shpërthimi dhe copat e dronit.