SHBA përdori për herë të parë një dron kamikaz me kosto të ulët në luftime në Iran vetëm tetë muaj pas prezantimit të tij në Pentagon, ndërsa po bën përpara me programet e armëve. Dhe debutimi në fushëbetejë u vlerësua i suksesshëm. Bëhet fjalë për dronin me kosto të ulët, Sistemi i Sulmit Luftarak apo LUCAS, i prodhuar nga SpektreËorks në Arizona, që u prezantua në korrik 2025 kur Sekretari i Mbrojtjes Pete Hegseth përshkoi korridorin e brendshëm të Pentagonit i shoqëruar nga shumë drejtues kompanish që konkurronin për të furnizuar ushtrinë me pajisje të reja. Dronët janë bërë qendrorë për luftën moderne pas përdorimit të tyre efektiv në luftën e Ukrainës, duke përfshirë sistemet Shahed të prodhuara në Iran të përdorur nga Rusia që ngjajnë shumë me LUCAS. Sektori është gjithashtu ndër më konkurruesit në industrinë e mbrojtjes në SHBA, me SpektreËorks që konkurron për kontratat e Pentagonit kundër kompanive kryesore të mbrojtjes dhe një vale startup-esh të mbështetura nga Silicon Valley si Anduril, Shield AI dhe AeroVironment. Komanda Qendrore Amerikane tha se dronët LUCAS janë modeluar sipas dronëve Shahed. Përdorimi i shpejtë në terren i LUCAS përfaqëson një largim nga afatet kohore tradicionale të blerjes së Pentagonit, që zakonisht kërkojnë vite që nga zhvillimi fillestar deri në vendosjen në përdorim. Zyrtarët e mbrojtjes thanë se afati kohor i ngjeshur pasqyron mësimet e nxjerra nga lufta me dronë në Ukrainë, ku të dyja palët kanë përdorur mijëra sisteme pa pilot me kosto të ulët. Droni LUCAS mund të lëshohet nga toka ose nga një platformë. Me një kosto prej rreth 35,000 dollarësh secili, ai është shumë më i lirë se MQ‑9 Reaper, që kushton 20 deri në 40 milionë dollarë, por është i ripërdorshëm dhe shumë më i sofistikuar.