Danimarka dhe Norvegjia u detyruan të mbyllin aeroportet e tyre kryesore të hënën në mbrëmje për shkak të shikimeve të dronëve mbi ta. Policia daneze nuk mundi të konfirmonte llojin ose numrin e dronëve të parë rreth Aeroportit të Kopenhagenit, por u tha gazetarëve të martën në mëngjes se ato ka të ngjarë të jenë drejtuar nga një "operator i aftë" që donte thjeshtë të "mburrej". Policia konfirmoi se forcat e armatosura u aktivizuan në përgjigje të rastit, por tha se nuk kishte asgjë që të tregonte se dronët kishin për qëllim të shkaktonin dëm. Operacionet në aeroportin e Kopenhagenit rifilluan në orën 00:30 sipas orës lokale pasi fluturimet u pezulluan për gati katër orë. Aeroporti i Oslos gjithashtu u rihap pas katër orësh mbylljeje të hapësirës ajrore. Policia daneze tha gjithashtu se "një numër masash do të zbatohen" si pjesë e hetimit, por nuk konfirmoi se cilat mund të jenë këto masa.