Ushtria amerikane kreu stërvitje të përbashkët me Ushtrinë shqiptare mbi operacionet me dronë “Puma” në zonën e stërvitjes në Bizë. Ambasada amerikane ndau pamje nga stërvitja që siç thuhet synon të forcojë bashkëpunimin që mbështetet në interesat e përbashkëta strategjike. “Teknologjia amerikane vazhdon të forcojë sigurinë; ushtria amerikane kreu stërvitje të përbashkët me Ushtrinë Shqiptare mbi operacionet me dronë “Puma” në Zonën e Stërvitjes në Bizë, duke rritur aftësitë e mbikëqyrjes dhe mbledhjes së inteligjencës së Shqipërisë.”, thuhet në njoftimin e ambasadës e cila thekson më tej se: “Ky bashkëpunim do të përparojë gatishmërinë mbrojtëse dhe do të mbështesë interesat e përbashkëta strategjike për një të ardhme më të sigurt dhe më të sigurt për popullin tonë”. Pak ditë më parë SHBA i dha dronë inteligjentë edhe antiterrorit me qëllim për të rritur monitorimin dhe fleksibilitetin në identifikimin e personave me rrezikshmëri shoqërore.