Një sulm me dronë në Abu Dhabi, ka bërë që tre cisterna nafte të shpërthenin në aeroport. Përgjegjësia për sulmet është marrë nga rebelët Houthi të jemenit, të cilët mbështeten nga Irani i cili i ka furnizuar edhe me dronë kamikazë. Policia e Abu Dhabit tha se tre cisterna kishin shpërthyer në zonën industriale Musaffah, afër depozitave të një kompanie naftënxjerrëse. Po ashtu një zjarr shpërtheu në një kantier ndërtimi në aeroportin ndërkombëtar të Abu Dhabit. “Hetimet paraprake kanë zbuluar pjesë të një mjeti të vogël fluturues që mund të ketë qenë një dron, në të dyja vendngjarjet, dhe mendohet se ky ka qenë shkak i shpërthimit dhe zjarrit – tha policia në një deklaratë. Emiratet e bashkuara arabe janë në luftë në Jemen që nga 2015 si pjesë e koalicionit të udhëhequr nga arabia saudite që ka në shënjestër rebelët Houthi pasi grupi hyri në kryeqytetin e vendit. Houthit dëbuan nga kryeqyteti i jemenit Sanaa, qeverinë e njohur ndërkombëtarisht, në fund të 2014-ës, duke bërë që koalicioni të ndërhynte. Rebelët thonë se sulmi pason një marrëveshje mes emirateve dhe arabisë saudite dhe premtuan akoma më shumë sulme. Një raport i kohëve të fundit ka treguar se Irani ka blerë në fshehtësi pjesë për dronët vrasës nga Kina dhe ia ka shitur ato milicive të mbështetura nga teherani për të kryer sulme terroriste mbi objektivat perëndimore. Vec Jemenit, këto makina vrasëse janë dërguar nga Irani edhe në Siri, Irak e Liban.