Zyrtarët ukrainas thonë se qyteti jugor i Zaporizhias është vënë sërish nën sulm mëngjesin e të shtunës, me dronë kamikazë dhe raketa. Qyteti është goditur nga 10 ose më shumë raketa C300, mëngjesin e të shtunës pas katër sulmesh me dronë kamikazë gjatë natës, tha oleksandër Staruk, shef i administratës ushtarake rajonale të Zaporizhias. “Si rezultat i dulmeve me dronët kamikazë iranianë, është shkatërruar infrastruktura në qytetin e Zaporizhias. Disa zjarre kanë shpërthyer po ashtu por fatmirësisht nuk ka patur viktima – tha Staruk. Kryebashkiaku në detyrë i zaporizhias Anatoli Kurtev, po ashtu raportoi për një sulm në qytet me dronë kamikazë. Dronët kamikazë, janë një lloj sistemi ajror armësh. Ata njihen si municione pritëse sepse janë në gjendje të presin për një kohë në një zonë të identifikuar si shënjestër e mundshme dhe të godasin vetëm pasi aseti armik të identifikohet.