Rusia vazhdoi sulmet e saj ajrore në Ukrainë gjatë natës, disa orë pasi Presidenti ukrainas Volodymyr Zelensky tha se pati një telefonatë "shumë konstruktive" me ekipin negociator të Donald Trump pas tre ditësh bisedimesh në Florida. Të dielën herët, kryetari i bashkisë së Kremenchukut, një qendër e madhe industriale në Ukrainën qendrore, tha se qyteti ishte goditurnga një sulm "masiv". Deri më tani nuk janë konfirmuar viktima. Ndërkohë, Rusia tha se kishte rrëzuar 77 dronë ukrainas në disa rajone. Sulmet ajrore kanë vazhduar edhe pse përpjekjet për të negociuar një fund të luftës janë intensifikuar, duke përfshirë bisedimet e hollësishme Ukrainë-SHBA në Miami që synojnë hartimin e një zgjidhjeje paqeje të pranueshme për të dyja palët. Të shtunën, Zelensky tha se ishte "i vendosur" të vazhdonte të punonte me SHBA-në pasi foli me të dërguarin e Trump, Steve Ëitkoff, dhe dhëndrin e presidentit amerikan, Jared Kushner, në përfundim të këtyre negociatave. Zelensky tha se ata kishin diskutuar se si të siguroheshin që Rusia t'i përmbahej çdo marrëveshjeje të mundshme për t'i dhënë fund luftës.