Ndërsa në akset rrugore, e veçanërisht në ato të zonave bregdetare, është shtuar fluksi i automjeteve, policia rrugore ka shtuar monitorimin me qëllim evitimin e aksidenteve. Kontrollet po kryhen me mjete inteligjente shpejtësimatëse, si radarët automatikë, drone me cilësi të lartë, dragera dhe teleskopë për të evidentuar të gjithë shoferët që kryejnë shkelje apo përdorin telefonin në makinë. Në total, vetëm gjatë javës që lamë pas u pezulluan 114 leje drejtimi. Shkeljet më të mëdha sipas rrugoreve kanë qenë kryesisht për shpejtësi të lartë, drejtim të automjeteve në gjendje të dehur apo dhe për qarkullim në sens të kundërt. Ndërkohë u arrestuan 42 shoferë gjithashtu në të gjithë vendin u vendosën mbi 27 mijë gjoba. Gjatë patrullimeve janë angazhuar dhe forcat shqiponja. Autoritetet apelojnë drejtuesit e automjeteve që të respektojnë rregullat dhe të lëvizin me kujdes tani që fluksi I lëvizjeve është shtuar akoma dhe më shumë.