Një sasi e madhe kanabisi është sekuestruar këtë të shtunë në Mal të Zi. Ajo u gjet në një kamion me targa shqiptare në pikën kufitare të Bozhaj. Mjeti në fjalë bëntë transportin e bimëve të thata medicinale. Sipas informacioneve destinacioni ishte Gjermani, teksa ky ishte një kalim tranzit nga Mali I Zi. Aktualisht nuk është konfirmuar shifra e sasisë së drogs që u sekuestrua apo personi që e posedonte. Në lidhje me kapjen e ngarkesës kanë reaguar dhe autoritetet të cilat konfirmojnë se kamioni shtë nisur nga Shqipëria. Ai ka kaluar nëpërmjet pikës kufitare të Hanit të Hotit, në Shkodër. Trafikantët kishin zgjedhur ta fshihnin lëndën narkotike mes bimëve të thata, në mënyrë që të mos zbuloheshin nga autoritetet kufitare. Menjëherë sapo nisi kontrolli nga policia, u zbuluan thasët e mbushur me lëndën narkotike.