Një grup deputetësh të opozitës parlamentare kërkuan një interpelancë me ministrin e brendshëm Sandër Lleshaj, ndaj të cilit u drejtuan 5 pyetje, që ata i konsideruan si shumë të rëndësishme. Cili është rezultati i luftës ndaj kanabisit? Si është situata me vrasjet dhe vjedhjet? Cili është rezultati i OFL? A po katandisen këto operacione në mjete presione për grupet kriminale që ti mbani për zgjedhje? Cfarë mund të na thuash për Illyrian Guard?” Për secilën prej tyre, Lleshaj dha këtë përgjigje, teksa bëri publike edhe shifrat e krimit, drogës së kapur, arrestime, por edhe situatës së krimit në vend. Ndërsa lidhur me policinë private të financuar nga shteti, Lleshaj e pranoi dhe tha se e gjithë kjo është bërë për të ulur shpenzimet, të cilat që prej vitit 2008 ishin shtuar ndjeshëm, duke qenë se institucionet shtetërore ishin në ruajtje nga polici private. Lleshaj në fjalën e tij nuk la pa përmenduar edhe sigurinë rrugore, dhe operacionet ndërkombëtare, në të cilat Shqipëria ka marrë pjesë në disa prej tyre.