Italia prej kohësh ka kërkuar të vendosë azilkërkuesit e refuzuar në qendra dëbimi në shtete të treta. Gjykatat italiane vendosën kundër, por tani një ekspert i rëndësishëm i Gjykatës Evropiane të Drejtësisë i jep të drejtë Melonit. Deri më tani, qëllimi fillestar i qeverisë së Melonit për procedura të shpejta azili në Shqipëri konsiderohej i dështuar për shkak të qëndrimit të gjykatave në itali. Meloni madje provoi që dy qendrat e azilit që italia ka ndërtuar në shqipëri, të përdoren në vend të kësaj për të mbajtur në paraburgim deri në dëbim, azilkërkuesit e refuzuar. Por edhe kjo formë ndalimi jashtë territorit të Italisë konsiderohet e paligjshme nga gjykatat italiane. Për këtë arsye, disa raste kanë kaluar tek Gjykata Evropiane e Drejtësisë. Avokati i Përgjithshëm pranë kësaj gjykate, një lloj eksperti i pavarur, ka dhënë vlerësimin e tij.