Caktimi i drejtuesve politikë nga Partia Demokratike, duket se po sjell një përçarje e debat të brendshëm në këtë force politike. Pas debatit në mbledhjen e Kryesisë mbajtur të enjten, situata ka vijuar e njëjtë edhe në mbledhjen e Këshillit Kombëtar, ku krahas pakënaqësive ndaj caktimit të deputetëve mbështetës të Gazment Bardhit dhe vetë këtë të fundit si drejtues politik, debate ka patur edhe për emrin e drejtuesit politik për Tiranën, e cila nga 8 drejtues bëhet me vetëm 1, Belind Këlliçin, I cili për demokratët pavarësisht mbështetjes që I dhanë në zgjedhjet e 14 majit, sot ai vjen si një figure humbëse me më shumë se 60 mijë vota diferencë me Erion Veliajn. Burime i thanë Top News se një ndër debatuesit ka qenë edhe kreu i Degës 13 të PD në Tiranë, Arsen Valisi, I cili gjatë debatit ka treguar se disa kryetarë degësh në Tiranë nuk kanë kontakt me Këlliçin. “A e ke informuar kryetarin e partisë për situatën e drejtuesit politik që nuk ka asnjë lloj marrëdhënie me disa drejtues degësh në Tiranë dhe nuk flet me to. Gjithë kjo parti kmobetarë nuk ka një figurë përbashkuese për të gjithë kryetarët e degëve.”, mësohet të jetë shprehur kreu I degës 13 të PD, duke iu drejtuar Sekretarit të Përgjithshëm Flamur Noka, degë e cila në zgjedhjet e 14 majit rezulton të ketë arritur një rezultat më të mirë se në vitin 2021, pavarësisht përçarjes së demokratëve. Po ashtu, debat ka patur edhe nga Myslim Murrizi, I cili ka ngritur shqetësim për mungesën e votës që në futjen e Bardhit dhe përkrahësve të tij në Kryesinë e PD, ndonëse kjo ishte rruga e ndjekur nga Berisha për bashkimin e partisë.