70 vjeçari, i cili humbi jetën ditën e operacionit policor me urdhër të SPAK në kampin e Muxhahedinëve në Manëz së Durrësit, ka qenë komandant dhe drejtues i akteve terroriste. Gjatë një prononcimi për Top News, ish anëtari i MEK, Sarfaraz Rahimy shpjegon se identiteti i bërë publik për mediat nuk është i vërtetë dhe se personi që humbi jetën kishte grada të larta në opozitën iraniane. Sarfaraz Rahimy: “Së pari, të theksoj që emrin që i kanë thënë Ali Mostashari nuk është ashtu. Emri i tij i vërtet është Abdullrevap Farxhi Nexhad. Me një pasaportë që i kanë bërë ilegalisht në Angli ka shkuar në Irak dhe nga atje pastaj ka ardhur në Shqipëri. Normale që e njihja. Ka gjenë dikur një nga komandatët e mi, ka qenë njeri shumë i rëndësishëm në MEK, ka qenë edhe drejtori i akteve terroriste në Iran. Dhe në momentin ku ne kemi ardhur jashtë ai ka qënë drejtor i veprimtarisë së lirisë.” Ministria e Brendshme shpjegoi se gjatë operacionit nuk ka pasur humbje jete dhe as të lënduar. Për çdo pretendim për humbje jete në spitalin e vendqëndrimit të tyre po bëhen të gjitha verifikimet proceduriale.