Ilir Beqaj ka reaguar nga burgu duke kontestuar mënyrën se si menaxhohen provat nga ana e SPAK. Përmes një reagimit të gjatë të postuar në rrjetet sociale nga avokati i tij mbrojtës, Ermal Yzeiraj, ish-ministri I shëndetësisë duke u ndalur në zhvillimet e fundit të javës thotë se drejtësia nuk duhet të matet me drita salle, me karrige të reja, me kamera më të mira, me tavane të lyera apo me debate shterpë por duke u bazuar në prova. Citat Dhe pikërisht në këto salla, me gjithë solemnitetin e fjalëve të mëdha për Reformën në Drejtësi, po materializohet gjithnjë e më qartë pavarësia e padrejtësisë. Një padrejtësi që prej dhjetë vitesh është veshur me kostumin e reformës, është certifikuar me fjalorin e integrimit europian dhe është mbrojtur me devizën se çdo kritikë ndaj reformës është sulm ndaj drejtësisë. Jo. Kritika ndaj padrejtësisë nuk është sulm ndaj drejtësisë. Është e kundërta. Është mënyra e vetme për ta shpëtuar drejtësinë nga vetvetja. Ndërsa kritikon mënyrën se si arrin t’I mbledh provat SPAK, duke arguentuar se në emër të Reformës në Drejtësi po cënohen të drejtat themelore të qytetarërve, Beqaj sjell një rast të një procesi penal ku GOOGLE ka ndjekur rrugën duke iu drejtuar një gjykate pare se të jepte detaje. Sipas Beqajt në këtë rast gjyqtari amerikan ka lejuar vetëm informacionin nëse personi A ka komunikuar me personin B. Jo përmbajtjen e emailit. Për të cilën, SPAK sipas ish-ministrit I është drejtuar me një kërkesë të dytë.