Për Metën e Berishën do të veprojë drejtësia. Ishte ky vlerësimi i kryesocialistit Edi Rama pas mbledhjes me anëtarët e kryesisë në selinë qëndrore, ku u bë bilanci i ecurisë së sondazheve dhe fushatës drejt zgjedhjeve të 14 majit. Pavarësisht rezultatit të votave, Rama paralajmëroi se qeveria nuk do të ketë bashkëpunim me kandidatët e opozitës, të cilët sipas tij po tentojnë të krijojnë oaze të luftës politike. Rama: “Drejtësia vonon por s’harron e do të veprojë me patjetër. Ajo që më neverit është se këta njerëz kanë arritur të marrin me vete një pjesë të shqiptarëve në raport me miqësinë dhe aleatët tanë. Vërtetë BE s’ka normë të tillë si shpallja non grata por të jeni të sigurt që s’ka derë që nuk hapet askund për ta. S’është presion, por mënyrë për t’ua thënë drejtpërdrejt njerëzve që do jetë i pamundur bashkëpunimi jo se nuk duam ne po se këta kandidatë s’janë vënë aty për të bërë detyrën, por për të krijuar oaze të luftës politike. Për të ngritur barrikada me qeverinë qendrore dhe për t’i trajtuar qeveritë vendore si pengje lufte.”