Partia Demokratike deklaron se sistemi i drejtësisë ndodhet në krizën më të rëndë funksionale të dekadave të fundit dhe kjo, sipas kreut të Departamentit të Drejtësisë në selinë blu, Franc Nuri konfirmohet edhe nga raportet zyrtare të organeve të reja të drejtësisë. Sinkron nuri - Sot në gjykatat shqiptare rezultojnë afro 150 mijë dosje stok. Vetëm në Gjykatën e Apelit të Juridiksionit të Përgjithshëm janë afro 57 mijë çështje në pritje. Një qytetari shqiptar mund t’i duhen deri në 10-12 vite për të marrë një vendim përfundimtar gjyqësor, me mbi 6 vite pritje vetëm në Apel dhe rreth 5 vite në Gjykatën e Lartë. Më alarmanti është fakti se stoku i dosjeve gjyqësore është rritur me mbi 30% krahasuar me vitin 2024. Pra, jo vetëm që sistemi nuk po e ul krizën, por po fundoset edhe më thellë nga viti në vit.