Të paktën 4500 emigrantë, të nisur nga Hondurasi drejt shteteve të bashkuara, kanë kapërcyer tashmë kufirin e guatemalës. Agjentët e kufirit nuk i kanë penguar duke patur parasysh familje të tëra me fëmijë. Autoritetet meksikane kishin bërë të ditur se 500 agjentë të emigracionit të dislokuar në kufirin me guatemalën në pritje të mbërritjes së karvanit. Shumë nga njerëzit e nisur në udhëtim, besojnë se presidenti Joe Biden, që do të bëjë betimin të mërkurën, do të zbusë politikat e emigracionit në shtetet e bashkuara të amerikës. Pjesa më e madhe e emigrantëve janë nisur nga san pedro sula, 180 km në veri të Tegucigalpa-s, drejt Agua Caliente, në kufirin me Guatemalën, një udhëtim prej rreth 260 km. Ky karvan, i pari i 2021, pas 12 karvanëve të tjerë që nga 2018 kanë tentuar por pa sukses të ndërmarrin të njëjtin udhëtim drejt territorit amerikan, ishte paraprirë të enjten, nga rreth 300 persona, që ishin bllokuar sidoqoftë nga agjentët në guatemala për mungesë dokumentash dhe testesh negative për koronavirus.