Organizata Botërore e Shëndetësisë ka reaguar pas shqetësimeve të ngritura nga shpërthimi i rasteve të Hantavirusit në bordin e anijes turistike MV Hondius. OBSH thotë se situata aktuale nuk përbën rrezik për një pandemi të ngjashme me COVID-19. Gjatë një konference për shtyp, epidemiologia e OBSH-së, Maria Van Kerkhove, sqaroi se Hantavirusi ndryshon nga koronavirusi dhe nuk transmetohet me të njëjtën lehtësi. “Ky nuk është SARS-CoV-2 dhe nuk është fillimi i një pandemie si Covid-19. Bëhet fjalë për një shpërthim të lokalizuar në një anije”, u shpreh ajo. Sipas OBSH-së, Hantavirusi transmetohet kryesisht përmes kontaktit të afërt dhe ekspozimit ndaj sekrecioneve të brejtësve, ndërsa rastet e transmetimit nga njeriu te njeriu mbeten të rralla dhe lidhen me variante specifike të virusit.