Dy ditë pas arrestimit të Saimir Meçanit 36 vjeç, i cili akuzohet se dhunoi fizikisht dhe përdhunoi gjyshen 89-vjeçare, në fshatin Grabian të Divjakës, një tjetër dëshmi nga familjarët e të moshuarës ka tronditur. Mbesa, Flora Kazanxhiu, që jeton në Itali, tha se ngjarja është mbajtur e fshehtë nga motra Resmija dhe i biri Ismeti, pasi në dijeninë e saj gjyshja 89-vjeçare është dhunuar dhe përdhunuar më datë 11 janar, ndërsa denoncimi u bë shumë ditë më pas, pas insistimit të bërë nga vet ajo. “Ngjarja ka ndodhur më 11 janar dhe është mbajtur e fshehtë. Unë njoftova çunin e Ismetit. Vajza e Resmijes, mbesa e të moshuarës më mori në telefon, dhe më tha hajde vetëm shikoje si është bërë. Mbesa e saj më njoftoi se ishte dhunuar nga nipi dhe djali. Sapo doli nga spitali, halla ime vazhdon ende të mbledhë kanaçe rrugëve. Ndërsa hematomat në fytyrë nuk tregonin shenja dhune të ditëve të fundit. Prandaj kjo ngjarje ka ndodhur shumë ditë më parë, pasi halla ime ishte drejt shërimit", tha ajo. Flora Kazanxhiu, mbesa e 89-vjecares shokon edhe me shumë me këtë dëshmi kur tregon për bisedën që bëri paraditen e kësaj të mërkure me gruan e Ismetit Roza Mecanin. Nëna e 36-vjeçarit të arrestuar i ka pohuar se djali i saj ka tentuar të abuzojë seksualisht edhe me motrën e tij. "Roza Mecani më tha se djali i saj ka tentuar të abuzojë seksualisht edhe me motrën e tij. Madje se ajo e ka denoncuar, por me pas e ka tërhequr", shtoi ajo.